Ek dafa Aap ne farmaya ke, Mai ne dekha ke sab se pehle mera batin Aasmano per lejaya gaya maine kisi cheez ki taraf nigah na ki-, Jannat or Dozakh dikhaye gaye uss taraf bhi nigah na ki-, Moujudat or Hijabaat se guzra gaya unki taraf bhi istefath na kia-, Uss waqt mai ek parinda ban gaya tha-, jis ka jism 'Ahdiat ka or uske baal wa parr 'dayamiat ke the-,
Mai Zaat e Haq ki mohabbat me musassil parwaz karta raha yahan tak ke mukham e 'Tanziyah' se guzra or 'Azliat' ke maidan se musharaf hua-, Aur wahan maine 'Ahdiyat ke darakht dekhe phir jub maine nigah dali toh waha sab kuch 'main' hi 'main' tha-,
Uss waqt mai ne munajat ki ke, Aye Khuda ! Meri 'Khudi ko tera raasta nahi milta-, mujhe apni Khudi se nikalne ki koi nazar nahi aati-, meri rehnumai farma, ab mujhe kya karna chahiye?
Farman e haq aaya ke Aye Bayazid ! Tumhari apni Khudi se nijaat hamare dost aur mehboob (yani Mohammad ﷺ) ki mu-ta'abiat se wabasta hai -, Unke Khadam mubarak ke nichey ki khaakh ko apni Ankho ka surma banawo aur unki pairwi me hamesha masroof raho-.
Ye hikayat bohot taweel hai... Ahle tariqat isko Bayazid Rahmatullahi Alihi ki 'Mairaj kehte hai-, Meiraj se unki murad Qurb E Haq hai-.
(Kashful Mahjoob-urdu Safa : 334)
0 Comments