Assalamo Alaikum Biradrane Islamiya,
Mere Pyare Islami Bhai Behano Nikah Karna
Sarkare Madina Sallallaho Alaihi Wasallam Ki Sunnate Mubaraka Hai. Nikah Ke
Fazilat Ke Talluqse Bohotsi Ahadees Sharif Mauzood Hai. Nikah Haramkari Se
Bacha Kar Halal Ki Taraf Le Jata Hai. Nikah Karne Par Aadha Deen Muqammal Ho
Jata Hai. Beshaq Islam Duniya Ka Sabse Afzal Mazhab Hai. Islam Me Mard Aur
Aurat Dono Par Ek Dusre Ke Huqooq Hai Jinhe Ada Karna Unpe Wazib Hai. In Huqooq
Me Kotahi Gunah Ka Sabab Hai. Lihaza Jin Logo Ko Ye Galatfehmi Ho Ke Huqooq
Sirf Aurato Par Hi Hai Wo Apni Islah Kare. Aur Apne Biwiyo Ke Huqooq Ada Kare
Warna Roz-E-Mehshar Is Gunah Ke Sabab Giraft Honge.
Yaha Aur Hamare Nikah Ke Page Aur Digar Posts Me
Nikah Ke Masail Ba Hawala Bayan Kiye Gaye Hai. Inka Maqsad Awaam Ko Islami
Tariqe Sikhana Aur Unki Islah Karna Itna Hi Hai. Agar Aapko Koi Bhi Sawalat Hai
To Comment Kare Ya Hume Chat Plugin Ke Zariye Email Kare. Is Website Ka Adabo
Ahtaram Kare Yaha Par Koi Bhi Gande Comments Na Kare. Masle Masail Bhi Adab Ke
Dayre Me Reh Kar Hi Poochha Kare. Hume Rozana Bohot Sare Emails Aate Hai Isliye
Jawab Me Agar Deri Ho Jaye To Mazhrat Chahta Hu. In sha ALLAH Aapke Masail Par
Jawabat Diye Jayenge. Hamare Web Ko Khoob Share Kijiye Taki Logo Ki Islah Ho
Aur Wo Sahi Deeni Tariqe Par Amal Kare Aur In sha ALLAH Iska Sawab Aapko Aur
Hume Hasil Ho. Apni Duao Me Muz Nachiz Ko Bhi Yad Rakhe.
Islam Duniya Ka Pehla Mazhab Hai Jisne Aurat Ko
Unke Tamam Huqooq Dilaye. Puri Duniya Me Nabi-E-Rehmat Sallallaho Alaihi
Wasallam Ke Tashrif Lane Se Pehle Aurato Par Zulmo Sitam Hota Tha. Yahan Tak Ki
Log Ladki Ko Paida Hote Hi Dafna Diya Karte The. Rehmat-E-Aalam Sallallaho
Alaihi Wasallam Ki Rehmato Ke Sadqe Tufail Aurato Ki Duniya Hi Badal Gayi.
Islam Ne Aurato Ko Unke Huqooq Se Nawaza. Isme Kayi Huqooq Hai Jisme Se
Ek Haq Hai Apne Shohar Ko Chunne Ka Haq. Ladki Ke Razamandi Ke Bina Unka Nikah
Na Kiya Jaye.
Hazrat Abuhuraira Wa Hazrat Abdullah bin Abbas
Radiallahu Anhu Se Riwayat he ke Huzoor Sallalaho Alayhi Wasallam ne irshad
farmaya:
"Kuwari
ladki ka nikah na kiya jaye jab tak uski Rajamandi na hasil kar li jaye Aur
uska Chup rehna uski Rajamandi He, Aur Na Nikah kara jaye Bewah ka jab tak usse
izazat na li jaye"
(Tirmizi Sharif Jild 1, Safa 566)
Imaam Bukhari Radiallahu Anhu Nakal farmate he
Hazrat Aayesha Radiallaho Anha ne Arj kiya:
"Ya Rasoolallah! kuwari Ladki to Nikah ki
Izaazat Dene Me Sharmati Hai."
Aapne Farmaya
"Uska Khamosh Ho Jana Izazat Hai"
(Bukhari Sharif, Jild 3,Safa 76, Hadees No 124,
Bab No 71)
Hazrat Abuhuraira Radiallahu anhu se Riwayat he ki
Rasoole Akram Sallalaho Alayhi Wasallam Ne irshad Farmaya:
"Balig kuwari ladki se uske Nikah ki izazat
li jaye agar khamosh ho jaye to ye uski tarafse izazat Hai. Agar inkar kare to
uspar koi Zabardasti Nahi"
(Tirmizi Sharif, Hadees No 1101, Jild 1, Safa 567)
0 Comments